Arman ayınıñ 5-ne keçken gecesi Rusiye arbiyleri, Rusiyeniñ dört yönelişinden 46 "Şahed" tipindeki uçaqsız uçaq ve farqlı çeşit pilotsız uçaqlarnı ve Rusiyeniñ Brânsk vilâyetinden "İskander-M" ballistik raketanı qullanıp ücüm etti, dep haber ete Ukrayina Arbiy-ava quvetleri.
"İlk malümatlarğa köre, saat 08:00-deki malümatqa köre, ava mudafaası tarafından memleketniñ şimalinde ve şarqında 29 duşman Şahed uçağı ve farqlı tipte olğan dronları urulıp tüşürildi ya da yoq etildi. Şarqiy yönelişte 17 pilotsız uçaq ve bir ballistik raketanıñ uruluvı, cenübiy ve şimaliy-şarq yönelişinde üç yerde urulıp tüşürilgen parçalar qayd etildi", — dep aytıla haberde.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturasına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
