14 yılğa azatlıqtan marum etilgen qırımtatar aq qoruyıcısı ve jurnalist Server Mustafayevni eki yıldan berli 1-nci Tambov tüzetüv cezahanesñnde sert şaraitlerde tutalar. Bu aqta "Qırım birdemligine" onıñ qadını Mayye Mustafayeva bildirdi.
"2023 senesi arman ayında Mustafayev ilk sefer Tambov cezahanesiniñ ŞİZO-sına yollanğan soñ, nezaretçiler izolâtordan soñ birden sert tutuv şaraitlerine yerlestirileceginen onı qorquzğan ediler. 2024 senesi kiçik ayda sert şaraitlerge avuştırılması aqqında belli oldı. O vaqıt memuriyet, tercime avuştıruv sebeplerini böyle añlatqan edi: "Maddeniñ ağırlığı sebebinden", — dep yaza faaller.
Mustafayevanıñ aytqanına köre, şimdi aqayınıñ bel omurgasında ağrılar bar. Kiçik ayda oña tintüvler ve rentgen yapılğan, amma yardım öyle de kösterilmegen.
Kerekli bütün ilâclarnı o, qorantası yollağan yollanmalardan ala.
Server Mustafayev "Qırım birdemligi" cemaat birleşmesiniñ koordinatorı. 2018 senesi tintüvlerden soñ quvetçiler Server Mustafayev ve Edem Smailovnı yaqaladılar.
2020 senesi ilk küz ayınıñ 16-nda Rostov-na-Donu Cenübiy okrugınıñ arbiy mahkemesinde qırımtatar aq qoruyıcısı 14 yılğa azatlıqtan marum etildi. Olarğa qarşı qabaatlavlarnı Bağçasaraydaki Hizb-ut-Tahrir Davasına qoştılar.
