İşğal etilgen Qırımnıñ mekteplerinde kelecek sene ilk küz ayınıñ 1-den yekâne mektep urbası kirsetilecek. Bunı Qırımnıñ Rusiye tasil naziri Valentina Lavrik bildirdi.
"2026 senesi ilk küziniñ 1-nden Qırımnıñ bütün mektep talebeleri yekâne mektep formasını kiymek kerekler. Bu müim bir vazifedir, onı çezmek içün uzun bir müddet kerek", — dep qayd etti o.
Lavrik, Qırımda mektep formasınıñ tınç mavı renk olacağını bildirdi, bu renk artıq tasdıqlanğan. Oğlanlar içün — bicaq, ştan ve yelek, qızlar içün — bicaq, yelek, ştan ya da fistan.
Rusiye naziriniñ bildirgenine köre, mektep urbası talebelerni bir tertipke qoya ve talebelerniñ bilgi ve muvafaqiyetlerine müsbet tesir ete.
Bundan evel Milliy tirenüv merkezi Qırım ve işğal etilgen diger regionlarnıñ mekteplerinde Ukrayina tarihı bozulğan ve Rusiye işğali qanuniyleştirilgen "vatanperverlik dersleri" ve sahte tarih kursları kirsetilgenini bildirgen edi.